اللهم اجعله خير

الرؤيه دى انا شفتها فى رمضان اللى قبل اللى فات كان متقدملى ساعتها 3 عرسان تقريبا فى نفس الوقت و انا كنت محتارة و بدعى ربنا يقدملى الخير لان مكنتش مقتنعه بواحد فيهم و الحمد لله ما حصل نصيب
انا شفت انى تحت عند العماره اللى كنا ساكنين فيها و ماما و اخويا كانو معايا و ان انا باكل بلحه كبيره و غريبه قوى لان جواها حاجه زى الشيكولاته بس احلى وكان طعمها حلو جدا و مميز و انا قلت لماما ان دى بلحه نادره ومفيش حد بيلاقيها و لقيت 3 رجاله كبار و شكلهم مبهدل و مش قوى عايزين ياخدو منى حته من البلحه اول واحد الح جامد فديته حته و التانى تقريبا ماما قالتلى ما تدى لحد بس انا قلت لها يلا مش مشكله و التالت برده اديته حته و كانو غلسين
وبعدين لاقيت انى فى آخر العماره عند المدخل الاخير وكنت الاول عند اول مدخل انى معايا شوال مليان بلح وعبيت منه فى حجرى وكمان لقيت فيه بلح من الكبير زى اللى لقيته الاول و كان دا حاجه نادره و قلت انى حدى لاخويا منه
انا فهمت الرساله الاولى بتاعه التلات رجاله بس الباقى لا