اللهم اجعله خير

و رحمة الله و بركاته خير اللهم اجعله خير انا حلمت انى انا وبابا كنا نازلين من العماره اللى كنا ساكنين فيها زمان وكنت لابسه بس من غير حجاب وكنا رايحين لعمى  وبعدين انا افتكرت انى مش لابسه طرحتى  فرجعت تانى علشان اغير هدومى و البس الطرحه  و بعدين وانا طالعه السلالم  لم تكن زى اللى فى الحقيقه كانت واسعه وكان كل دور اطلعه  كان زى ناس عاملين حواجز بترابيزات يدوب حته صغيرة ممكن اعدى منها وفعلا بعدى بالعافيه و انفد منها  و بعدين وصلت للدور الاخير  وكان زى قاعه وفيها ناس كتير و احتفال  و واحدة صاحبتى اسمها سالى مش فاكره هى اللى كانت بتوزع التذاكر ولا اخدت و احده منها المهم ان التذاكر دى كانت بتاعه عمرة و انا كنت فرحانه علشان بتتوزع بس انا ماكسبتش تذكرة  وجه فى بالى ان صعب يعنى انى اكسب  المهم انى طلعت سلم فى القاعه دى وكان اخر سلم علشان اوصل للشقة وكان طالع معايا اتنين صحابى متزوجين ودخلت الشقه ولقيت نفسى مزنوقة على الاخر وعايزه ادخل الحمام بس لقيت ان اخويا احمد دخل قبلى وقلت انا حادخل بعديه على طول على فكرة صاحبتى سالى  بتاعه التذاكر دى مخطوبه  وانا كنت نايمة و انا كنت بفكر قبلها فى موضوع  تفسير حضرتك بانى حاتخطب خصوصا ان فى واحدة بتقولى على عريس فيه  الصفات اللى شفتها فى الحلم ارجو ماكنش طولت على حضرتك و خيرا عنا و اجعل البشرى على يديكانا انسه و سنى 23 

يا استاذ  انا مش عارفه اشكر حضرتك ازاى  على الرد الجميل داالحقيقه ان اخويا احتمال يشترى حاجه مهمه اوى بالنسبه له  على فكرة لسه الخبر دا امبارح وربنا يسهلنا الحال ونقدر نشترى لهانا عايزة اقول لحضرتك انى حلمت فى اليوم اللى بعد الرؤيه دى ان ماما و خالتى كان ضايع منهم ذهب او يعنى مهملينه كدة و سايبينه مرمى و انا كنت بلمهلهم وقبل كده كنت بصلى استخارة قبل رمضان على طول مشش فاكرة انا شفتها فى رمضان و لا قبله بس بجد قلقانى  انى كنت داخله الحمام انا وماما فى شقتنا القديمه و ان الشقه فيها حمامين و احد قديم و التانى جديد  واحنا دخلنا القديم  بس ماما كانت مز نو قه اوى و قضت حاجتها و انا كنت داخله الحمام و انا دايسه على سمكتين بلطى لسه نى كانهم شبشب و انا كنت قلقانه من الحكايه دى بس قلت لنفسى ما فيها حاجه و بعدين انا كمان قضيت حاجتى و كنت عماله بنظف فى السمك دا لانه كان مفتوح بطنه و مش متنضف اوى فانا غسلته و كملت تنضيفه الاستخارة دى كانت على عريس كنت محتارة يتقدم و لا لا  بس الحمد لله هو ما جاش البيت اصلا و جات من عنده  انا اسفه كل احلامى على موضوع الخطوبه بس بجد علشان دا اكتر موضوع شاغلنى و مدايقنى  و و رحمه الله و بركاته