أرجو التفسير ضرورى

ورحمة الله
قبل ما اقول حلمى احب اقول شوية ملاحظات :
اولا : انا كنت مرتبطة بواحد والحمد لله تبت الى الله وبعدت عنه
ثانيا : انا كان فى واحد متقدملى وانا كنت وافقت عليه بس الموضوع ما تمش بسبب انى اكتشفت انه شخصيته مش قوية وكمان بسبب ماديات اختلف عليها اهله واهلى ..
المهم حلمت خير اللهم اجعله خير ان الولد اللى كان متقدملى اتخانق مع اهله وقاللهم انتوا ليه ماتمتوش الموضوع أنا بحبها وعاوزها ولازم اتجوزها وفعلا جم عشان يتقدموا تانى وكانت الخلافات هى هى ووصلوا فى الاخر ان بابا هو اللى هيتحمل مصاريف الزفاف من الفستان والفرح وكل حاجة وبعد ما اتفقوا روحت ركبت عربيه معاه ومع اهله وكنت قاعدة انا وهو فى الكنبة اللى ورا وكنا جمب بعض جدا وكنت مبسوطة اوى وكنت لابسة طقم عادى جدا وكانت شبكتى دبلة وخاتم وانسيال وعلى فكرة الانسيال اللى كنت لابساه فى الحلم هو فى الحقيقة بتاعى انا لكن فى الحلم كان الشبكة ، المهم كنا قاعدين بنتكلم مع بعض وكان كل ما يبصلى كنت بتكسف اوى وروحت قلتله هو احنا رايحين فين ما ردش عليا بس انا فهمت انها مفاجاة ..وكان فى النفس الوقت اللى هو اتقدملى فيه فى الحلم لقيت الولد اللى كنت مرتبطة بيه هو كمان بيقوللى سيبيه وانا هتقدملك بس انا رفضت وبعد كده عرفت انه خطوبته هو كمان فى نفس اليوم معايا وكنت مبسوطة مع الولد التانى ده اوى اوى .. وخلص الحلم على كده

فعلا حضرتك عندك حق جدا فى الكلام اللى قلته كله ... اشكرك جدا و كل خير

الف شكر علي الرد والمتابعه في انتظار بشارة خير