تفسير الاحلام : ارجوك يا استاذ قبارى تهتم بحلمى ده ضروووووووووووورى

ورحمة الله وبركاته
انا حلمت خير اللهم اجعله خير انى كنت واقفة مع خطيب صاحبتى مستنينها وبعد شوية جاءت وكمان كان فى واحد زميله موجود وكنا فى محطة مترو ولقيت صاحبتى بتقولى روحى اقطعيلى تذكرتين ليا وليكى وروحت سبتهم عشان اروح اقطع التذاكر وانا واقفة بقطعهم حصلت زى مشكلة كده مع البنات اللى كانوا بيشتغلوا فى شباك التذاكر واتخانقت معاهم لانهم ماكانوش عاوزين يدولى بقيت فلوسى وانا اتضايقت اوى اوى وروحت سيبتهم ومشيت وروحت جريت بعيد عن صاحبتى وخطيبها وصاحبه علشان محدش منهم يقوللى مالى وانا كنت مخنوقة اوى وفعلا جريت وبعدت عنهم بس هما حصلونى وقعدوا يهدونى وانا برضو فضلت متضايقة وفى الاخر قلتلهم ابعدوا عنى كلكوا انا عاوزة اكون لوحدى ورواحت رحاب صاحبتى قالتلى ماشى انا همشى انا وخطيبى وصاحبه قالهم براحتكوا انتوا هتروحوا عشان انتوا مع بعض لكن انا مش هسيبها وهفضل معاها وفعلا فضل معايا وقعدنا وحاول يهدينى وانا ساعتها بطلت عياط وهديت شوية وبعدبن واحنا قاعدين جات واحدة بنت زى ما تكون خطيبة الولد اللى كنت قاعدة معاه وكانت بتاخد رايه فى حاجة عشان فرحهم وشافتنى بس ما حاولتش تستفسر منه خالص عنى او ايه اللى مقعدنى معاه او اى حاجة من دى ، المهم اختلفوا فى الحاجة اللى كانت جايه عشانها وراحت قالتله خلاص وسابته ومشيت وهو سابها تمشى وما زعلش وبعد كده راح جاب عربية لونها ازرق ملاكى كانت فى الحلم بتاعته وراح فتحلى الباب اللى من ورا وقاللى ادخلى هوصلك وهو قعد قدام وخلص الحلم على كده
ملحوظة: صاحب خطيب صاحبتى ده انا شفته فعلا قبل كده اكتر من مرة فى الحقيقة وخطيب رحاب صاحبتى نفسه جدا انى يخطبهولى
وانا اصلا مرتبطة بواحد تانى بس لسه الخطوبة ما تمتش
ارجوك يا استاذ قبارى تهتم بالحلم ده ضرورى جدا لانى بجد محتارة اوى ونفسى اعرف تفسيره ايه
وشكرا جزيلا