اللهم إجعله خير إن شاء الله

أنا حلمت-خير إن شاء الله- إن أنا كنت فى إمتحان فى ماده كنت مذاكراها كويس فى الحلم والدكتوره كانت بتكلمنى قبلها وبطمنها عليا بعدها دخلت الإمتحان حليت السؤالين كويس جدا وبعد ما سلمت الورقه اكتشفت إنى نسيت السؤال الأول الإجبارى علشان مش شفته أصلا فقعدت أعيط كتير أوى وقلت للدكتوره وفضلت تقولى معلش معلش وفضلت أعيط وتهدينى بعدها لقيتها ركبت عربيه مع والد زميلى ووالدته وبعدها كنت فى سكتى للبيت وبعيط أوى برضو فلقيت دكتوره تانيه كانت بتدرسلى قبل كده وبتقولى فى حد يتأخر كده بره البيت فقولت لها لسه بدرى وبعدها بصيت فى الساعه لقيتها 12 إلا ربع بليل وقلت لها معلش ما أخدتش بالى وهروح بسرعه وإنتهى الحلم على كده
مع العلم إنى مش مخطوبه وطالبه جامعيه وكنت متضايقه جدا قبل الحلم وصليت إستخاره وشفته بعد الفجر