انا كنت بدور على ابنى .. ممكن التفسير

ورحمة الله وبركاته
انا حلمت خير اللهم اجعله خير ان كان ليا ابن وكان لسه صغير يعنى تقريبا عمره لسه شهور وتقريبا كده كان اسمه يحيى وكنت ماشية بيه وشايلاه وفرحانة بيه اوى وكانت معايا واحدة صاحبتى وبرضو شايلة ابنها وبعدين انا اديت ابنى لواحدة كده معرفهاش وقلتلها خليه معاكى انا هروح الحمام واجى اخده منك ولما رجعت ما لقتش ابنى وقعدت اعيط عياط وادور عليه فى كل حته والمكان اللى كنت بدور عليه فيه ده كان فى الجامعه عندى وبعدين شفت زميل ليا فى الجامعه وقعدت اعيط واقولله ابنى مش لاقياه دورلى عليه وانا منهارة وبعد كده روحت لماما ولقتها واقفة على شط بحر معرفش فين بالظبط وقعدت اقوللها هيكون راح فين بس وبقيت خايفة احسن يكون غرق فى البحر وبقيت واقفة انا وهى ع الشط ماسكين ايد بعضنا والموج عمال يزيد كل شوية وعالى جدا وانا عماله امسك فى ايديها اكتر واكتر احسن حد فينا يغرق ولا حاجة لأن ما بقاش فى مكان ع الشط نقف فيه لأن الموج خرج على الشط وفى الاخر برضو مالقتش ابنى .. وخلص الحلم على كده
مع العلم انا انسه ومش مخطوبة ولا مرتبطة وانا فى سنة تالتة كلية
وصاحبتى اللى معايا فى الحلم دى اللى كانت شايلة ولد برضو هى لسه متجوزة من حوالى شهرين بس لسه مفيش حمل

ايوه فعلا انا امل اللى حضرتك تقصدها وربنا يخليك يا رب ده المنتدى منور بحضرتك وبس
وعموما هبقى اعدل تاريخ الميلاد
وبالنسبة لسؤال حضرتك انا معندش اى مشاكل ولا حاجة بس الامور فى الجامعه ملغبطة جامد بسبب الظروف بتاعت انفلونزا الخنازير ومحاضراتنا مش على ما يرام وانا تعبانة جدا بسب اللغبطة دى وخايفة اوى من السنة دى

اشكرك على اهتمامك ويا رب يكون خير ان شاء الله