حلم غريب ارجو التفسير

انا حلمت بس من فتره طويله -واللهم إجعله خير- إن أنا وماما وخالاتى فى بيت جدتى وكنا قاعدين فى ساحه مكشوفه بين البيت وحجره فى وش البيت وفى سلالم للنزول والطلوع للساحه دى (وفعلا كان نفس المكان فى الحقيقه) وكل خالاتى كانو قاعدين عند الحجره دى إلا ماما وواحده من خالاتى أستاذه جامعيه فى الحقيقه كانوا قاعدين فوق باسطه السلم وانا عاوزه اوصلهم فببص للبسطه لقيت السلالم اختفت ومفيش حاجه توصلنى ليهم غير إنى اتسلق اربع مواسير وقررت إنى اتسلقهم فعلا بس كنت خايفه جدا بعدين مسكت فى الأولى ووصلت للتانيه بعدين تسلقت من التانيه للتالته للرابعه اسرع من الاولى لحد ما وصلت للباسطه اللى قاعد عليها ماما وخالتى بعدين لقيت خالتى بتقول لماما إنى بفكرها بنفسها اما كانت فى سنى تسلقت المواسير دى بنفس الطريقه وانتهى الحلم على كده
مع العلم إنى مش مخطوبه ولا متجوزه بس الحمد لله متميزه دراسيا

وفى حلم تانى بماما بس حلمته من زمان وانا صغيره وهو إنى كنت واقفه على سلم لازق فى عماره عاليه اوى وكان السلم مشدود بحبل جامد وكانت ماما هى اللى شداه ومثبتاه علشان ميقعش وكنت واقفه على اخر أعلى درجه فى السلم جنب اعلى عماره لدرجه إن مش كان فى حد أعلى منى وكنت شايفه الناس كلها من فوق وكلهم كانوا بيبصوا لى ويهتفولى كأنى واحده مشهوره

الحلم الاول ان ان مامه وخالتك متفوقين عن اخواتهم اللي كانو في الساحه وانك انتي هتكوني مستقبليا في نفس تميزهم ومكانتهم

والحلم التاني احسن من الاول واشد وانتي فعلا هتكوني متميزه وناجحه في حياتك وهتوصلي في الدنيا لمكانه كويسه تكوني فيها بمثابه عاليه
بسراحه حلمين تتحسدي عليهم ولا فخر تحياتي وابقي افتكريني في حياتك المقبله وابعتيلي الحلاوه كل متحققي نجاح لاني انا اول من بشرك بالخير اهووو هه اسعد الله ايامك وحقق بالخير كل احلامك
تحياتي

اللهم آآآآآآآآآآآآآآآآآآآميييييييييييييييين يارب العالمين
ومش هنسى الحلاوه أكيييييييييد إن شاء الله