تفسير الاحلام : ما تفسير الثعابين فى الحلم .. ارجو الاهتمام

يا استاذ قبارى
انا عندى حلمين بس صغيرين اوى وارجو من حضرتك المساعدة فى تفسيرهم
الاول:صاحبتى دايما بتحلم بثعابين فى الحلم والثعابين دى دايما بتكون عاوزة تأذيها والناس اللى بيبقوا ماسكين هذه الثعابين مش واضحين فى الحلم هما مين بالظبط واخر مرة حلمت ان فى واحد مش معروف بالنسبة ليها برضو انه قرب الثعبان من وشها وقام وشها احمر جدا منه .. يا ريت تفسيره
الثانى:انى حلمت ان خدى الشمال كل شوية يورم ويرجع لطبيعته ويورم تانى وبعد كده يرجع لطبيعته بس لما بيكون وارم بيبقى مأثر على طريقة كلامى يعنى مش بقدر اتكلم كويس وكنت بعيط فى الحلم من منظره ده وكنت كل ما اقول لحد على خدى وارويهوله يقولولى عادى وماتقلقيش والكلام ده يعنى ومكنش حد خايف عليا خالص من اللى انا فيه ده.. وخلص الحلم على كده
ارجو الاهتمام بتفسير الحلمين و كل خير