ارجو تفسير حلمي يا استاذ قباري

بياناتي:
لااعمل
عزباء
متدينة الحمد لله
24 سنة
قبل ما احلم الحلم كنت مصلية ركعتين قضاء حاجة ودعوت ادعية بان يرزقني الله بالزوج الصالح يكن به المواصفات التي اتمناها وايضا ان يوفقني الله في مشروع انا هشارك فيه مع اشخاص اخري

الحلم :
الحلم عبارة عن ثلاثة اجزاء الجزء الاول ان عمي عنده فرح مع العلم عمي ده كان عنده ولد ومتزوج الان ودعانا للفرح ده بس انا رحت متاخرة بعد ما اكلوا الخضار بس انا رحت ولقيت فيه تورتة فاخدت اكثر من قطعة واكلتها وكان طعمها جميل
الجزء التاني :ان ماما ذهبت لبيتنا التاني(وهو يوجد في مدينة اخري غير التي نعيش فيه)وانا واختي كنا مستنينها
الجزء التالت:ان ملك جه من السماء ورفعني للسماء وزي ما يكون بندور علي ماما وعداني السماء وزي ما يكون شفت ربنا قدامي انا مش شفته لكن حسيت ان ربنا قدامي وبعدين جه ملك تاني و نزلني من السماء ورجعني لبيتنا وبصيت لقيت ماما رجعت ولابسة لبس شكلها حلو فيه قوي وكان عجبني (ماما في الاصل مخمرة لكن لما رجعت كانت لابسة جاكت ابيض شتوي فوق اللبس واللبس شكله جميل جدا قلتلها اللبس ده شكله جميل قوي) ومعاها ابن عمي واسمه "رفعت" وانا بكلمه زي ما يكون اعرفه او زي ما يكون اخويا بس هو ما كنش شبه ابن عمي فانا جيت بصاله كده لقيت شكله عاجبني فقلت لاختي علي فكرة هو ده النوع اللي بيعجبني فجه راح نام علي كنبه في الصاله وانا كنت بغير لبسي فجيت لبست جيبه مفتوحه من تحت فتحة كبيرة وكاني متعمدة انه يشوف ساقي وبس وقمت.....اسفة للاطالة (ربنا يجعله خير)