سوره عبس وفرن العيش

ازيكم حبايبى يارب تكونو بخير

انا قبل محكيلك الرؤيا هحكى حالتى قبل الرؤيا انا كنت نايمه زعلانه اوى بسبب مشاكل كانت بينى وبين زوجى حاسه انه مأهملنى وكمان حماتى قرفانى المهم قبل مانام كنت بقرا قران ولاقتنى اعدت اعيط واقولو هو دا تعويضك ليه يارب انا كنت دايما بتمنى اتجوز علشان اخلص من المشاكل اللى كانت عندى قبل الزواج بين بابا وماما دلوقتى عندى مشاكل ودايما فى ارف فانا بقولو يارب هو دا تعويضك ليه وكنا انا وزوجى متخاصمين

المهم نمت رايت ان انا وزوجى رايحين محطه القطار علشان نركب قطار وعمالين نسرع فى المشى علشان نلحق والقطر خلاص هيطلع واحنا لسه فى مسافه علشان نوصل لمحطه القطار المهم كان فى قران شغال خارج من القطار احنا سامعينه زى اللى بيبقى قبل الاذان اللى هى التواشيح اللى قبل كل اذان المهم لاقيتهم بيقرو سوره عبس قولت لزوجى دا لسه هيقرو سوره عبس والقطر مش هيطلع غير لما السوره تخلص يعنى هنلحق وفرحت اننا هنلحق القطر المهم وصلنا وركبنا القطر وتقريبا كنا رايحين بلد بابا اللى هى بنها وصحيت من النوم لاقيت فعلا التواشيح اللى هى قبل صلاه الفجر بس مكانتش بتقرا سوره عبس لانى اتاكدت قولت لايكون انا سمعتها وانا نايمه وفكرت ان انا حلمت المهم روحت فى النوم تانى لاقتنى كانى واقفه فى فرن عيش اللى هو الالى دا نظام ونضافه وخبيز العيش شغال وتسويه العيش وانا واقفه اتفرج عليهم والعيش ابيض وشكله جميل اوى قلت فى نفسى اشمعنا نوع العيش دا طرى اوى كده عن النوع البلدى العادى اللى بنجيبه بكلم نفسى فى المنام المهم كان اللى بياخد العيش من الفرن يحطه على الخشب اسمه الراعى دا واحد فاتح محل بقاله جنبنا واللى بيخبز العيش كان طفلين منهم تقريبا بنتى حبيبه واقفه وماسكه عجينه العيش كانها بتخبز وانا قلبت رغيف على وشه قولت احمر الوش شويه وبعدين قولت احسن الراجل يزعقلى وخوفت لايتحرق المهم قلبته تانى لاقيته الحمد لله متحمرش اوى والراجل متكلمش المهم انا اخدت لقمه عيش صغيره من رغيف واكلتها لاقيتها طعمها جميل اوى انا فى الحقيقه مش بعرف ابلع العيش لو حاف لكن فى المنام اكلت اللقمه وكان طعمها جميل اوى وقولت دا العيش جميل اوى المهم زوجى كان بياكل عيش من نفس العيش دا وكبده فلاقيته بيقول الاكل طعمه مش حلو فانا فى نفسى بقول طعمه مش حلو ليه مع ان شكله حلو انا وقتها بيتهيالى كان نفسى اكل منه المهم لاقيته بيقولى يالا علشان الحق القطار كانه رايح يركب القطار تانى وتقريبا باردو رايح بنها وسمعت صوت القران شغال باردو فقلت هيلحق وافتكرت المره اللى قبلها اننا كنا متاخرين ولحقنا وقولت فى نفسى اظن لو القطار فاته عمرو ماهيفكر يركب عربيه

بصى صحيت بعدها صليت الفجر

دخلت انام تانى على الساعه 9 كده بس مش متاكده اوى بس تقريبا والله اعلم ان نينا ام ماما كانها بعتالى عيش مخبوز زى بتاع الفلاحين اللى هو الطويل دا بعتاه فى كيس والكيس مليان عيش فزوجى قالى بس دا ماشاء الله حلو مهوش زى بتاع امى بتاع امى بيبقى مش حلو وكانه ماسك الكيس علشان يحط العيش فى الفريزر يارب اكون مغلطش معلشى طولت عليكى

رجاااااااااااااء للمشرفه متمسحيش حاجه منهم لانهم تقريبا مرتبطين ببعض فبالله عليكى متمسحيش حاجه وجزاكم الله خيرا ربنا يجمعنا مع بعض فى الجنه

اسمى اميره انا ربه منزل وام لاربع اطفال فى الطاعه انا منتقبه بس مقصره فى الطاعه بسبب انشغال والاطفال وكده

زوجى محمد مدرس قران فى الازهر وهو امام وخطيب وماشاء الله عليه نحسبه على خير فى الطاعه

بنتى اللى فى المنام اسمها حبيبه وهى بنتى الكبيره

الراجل اللى واقف على الفرن اسمه الراعى وهو فاتح محل بقاله وبيبيع طعميه