تفسير الاحلام ( ارجو الاهتمام بحلمى)

ورحمة الله وبركاته
انا حلمت خير اللهم اجعله خير انى لقيت فى اوضة الصالون عندنا ورا الباب زى شنطة وكان فيها حمامة بيضا وكان تحتها بيضة بايضاها وجمب الشنطة دى كان فى زى صندوق صغير فيه ارنبين وفى الحلم ده قبل ما ادخل الاوضة واشوف الحمامة والارنب ده كان بابا لسه قايلى ان فى واحد متقدملك والواحد ده احنا نعرفه فى الحقيقة كلنا وهو شاب وغير متزوج وانا فى الاصل بكن له بعض المشاعر مش اكتر من كده
وقبل كده حلمت انه كان عندنا وقاعد لوقت متاخر وهو حس ان بابا اتضايق قام قالنا انه نازل مشوار وجاى على طول وبعد شويه لقناه جاى هو وناس كتير معاه زى ما يكونوا عيلته ومعاهم طفلة صغيرة عشان يخطبونى قمت انا خدت الطفلة دى معايا فى اوضتى وكان معاها علبه صغيرة وقالتلى هو بيقولك تقبلى الخاتم ده قمت فتحت العلبة ولقيته خاتم دهب ابيض شكله حلو اوى وعجبنى وقلتلها اقبل ووافقت على خطوبته بس الحلم ده كان من فترة يعنى شهر كده
ارجو التفسير لو سمحت يا شيخ قبارى و كل خير