تفسير حلم جزاك الله خيرا

ملحوظه : اختى تم فسخ خطوبتها الشهر ده وكانت مخطوبه لابن خالى

حلمت انى فى بيت خالى باخد الهدايا الى كانت جايباها لخطيبها وبقولهم هى ده بس ده كانت جايبه له حاجات كتير وشديت فى الكلام انا واخت العريس وقلت لها خسارة العمره الى عملتيها وكنت لابسه شبشب لاقيته متوسخ قعدت انظفه علشان البسه وبعدين كان موجود فى بيت خالى بابا وخالى التانى وكانه كان بيهزر ويضحك وانا تقريبا كنت متضايقه مش فاكره المهم لاقيت نفسى ماشيه فى الشارع انا واختى وماما وكان معايا بنتى الصغيره وبنت تانيه بس مش فاكره هى بنتى الكبيره ولا لا وكنت خايفه عليهم من السيارات وبحاول امسكهم ليتخبطوا وقلت لاختى تعالى نمشى مش الشارع ده علشان مليان محلات نتفرج عليها ويمكن نشترى فقالت لا انا عايزه امشى من الشارع التانى ده قلت لها انا وماما بس ده فاضى مفهوش محلات بس هى صممت ومشينا فيه تقريبا ماما كانت سايقه العربيه او فى تاكسى مش فاكره بس ماما اصلا مش بتسوق فى الحقيقه المهم مشينا قالت لنا بس هنا وشورت على محل كنا عديناه بمترين حاجه بسيطه يعنى تقريبا ورجعنا للمحل الى شورت عليه لاقيناه محل فاكه حلوه ونظيفه وشاورت على التفاح وقالت لماما هو ده التفاح الى انا عايزاه

ياريت تفسر لى الحلم بالتفصيل لانك كنت بتفسر لى الاحلام مختصره شوى