حلمت بصاحبتى بتدينى فلوس

حلمت خير اللهم اجعله خير انا وصاحبتى زى ما نكون بنشتغل فى مكان واحد وبعدين كنا بنتمشى فى الشارع وراحت طلعتلى 150 جنيه على اساس انهم المرتب بس قالتلى معلشى يا امل هما ناقصين المرة دى عشان فى حاجة كده حصلت فى الشغل خلتهم يخصموا من المرتب وبعد كده راحت ادتنى 200 جنيه وقالتلى مرتبك اهو المرة دى مش ناقص اى حاجة وروحت خدتهم وشيلتهم معايا فى الشنطة وقلتلها ياللا بقى اعزمك على اى حاجة نشربها لان ساعتها قبل ما تدينى ال200 جنيه دول ماكنش معايا اى فلوس فى شنطتى خالص وخلص الحلم على كده ..
مع العلم صاحبتى دى بتشتغل وهى ان شاء الله هتتخطب عن قريب باذن الله
وانا طالبة لسه فى الجامعه ومش مرتبطة وبدور على شغل
وجزاكم الله كل خير

يا ريت تفسر لى حلمى بسرعة يا شيخ قبارى
شكرا جزيلا

الرؤيا مفهاش جديد بتحكي عن ان صحبتك دي بتقلك اسرار عنها وانتي كذالك وكون انكم رايحين تشربو عصير دا لو شربتو في الخلم يبقي هتبدء الامور تتصلح معاكم ولو لسه هتشربو يبقي فيه امل برده ان الامور تكون افضل وتتفرج لان القران قال وفيه يغث الناس وفيه يعصرون فالعصير فرج كبير للي يشربه في المنام اما الفلوس فهي كلام وكون صحبتك بهولك يبقي انتو بتقولو لبعض احوالكم تقريبا والرؤيا خاطره نفسيه والله اعلم

كل خير يا استاذ قبارى وفعلا كلام حضرتك كله صح ومافيهوش حاجة غلط واحنا فعلا الايام دى بس امورنا ابتدت تتحسن كتير عن الاول وعلى طول بنحكى لبعض اسرارنا
اشكرك شكرا جزيلاً