عوزة تفسير الحلم دة ضرورى

بسم الله الرحمن الرحيم

لو سمحت انا ليا اخت عندها 18 سنة وحلمت
حلمين فى فترة مابين 3 ايام وارجو تفسيرهم هما ال2


الاول

كانت بتلف قماش ابيض وهى متعرفش هو متفصل اية يعنى هو قماش
ومش متحدد ان كان جلابية او جيبة او اية بالظبط هو قماش ابيض وبس

وجت واحدة هى تعرفها قالتلها الحقى فلان مستنيكى برة
فلان دة خطيبها
خرجت عشان تقولة يستنى شوية عما تلف القماش عشان تروح معاة
ملقتوش
قالت لصحبتها انتى بتضحكى عليا قالتلها والله كان هنا ومشى

دخلت لفت بقيت القماش ومشت
انتهى الحلم ع كدة

الحلم التانى بقى وهو االاهم تقريبا


بعد الحلم دة بيومين

حلمت ان هى قاعدة بتعد فلوس وبترتبهم لحاجة ولقتهم مش مكفينها

ولقت ست لبسة ابيض ف ابيض جت
وهى مش كبيرة ولا صغيرة يعنى مش شابة صغيرة ولا ست عجوزة

بس هى مشافتش وشها فى الحلم خالص
المهم
الست دى ادتلها حلة صغيرة كدة
فيها لبن
وقالت لها خدى دة يكفيكى الشهرين ونص الى باقيين ليكى
وسابتها ومشت
وخلص الحلم

ارجو تفسير الحلمين
وهل ليهم علاقة ببعض ولا لا

وارجو ارسال التفسير باقصى سرعة

ولك جزيل الشكر