السلام عليكم

ازيك
طالبة
20سنة
لسة مارتبطتش
اول حلم
حلمت انى رايحة اجيب ملابس ودخلت المحل لاقيت لبس عجبنى وبعد ماخترته لاقيت معصم لونه اسود ومرسوم عليه وردة باللون الفضى وعجبنى بس ماكنتش عايزة اخده وبعد كدة لاقيت واحدة من اللى واقفين فى المحل قالتلى لازم تاخدى المعصم ده علشان الطقم يبقى حلو قولتلها انا جايبة قميص بكم قالتلى لازم تاخديه روحت وافقت
تانى حلم
حلمت انى اتجوزت من الانسان اللى بحبه وروحنا شقة كان شكلها حلو وتانى يوم جواز حسيت بالم الحمل انا استغربت وروحت اقوله انى حامل هو استغرب قولتله نصيب ولاقيته بقى فرحان قلت الحمد لله ولاقيت اخته دخلت الشقة وقولتلها انى حامل قالتلى مبروك قولتلها باتى معايا النهاردة قالتلى لا مش هاينفع قولتلها براحتك وكان باين عليها انها مش طيقانى ومخنوقة منى وبعد كدة اللى بحبه نزل وغاب عن البيت يوم واليوم اللى غاب فيه حصلى اجهاض وشوفت الدم والنطفة وزعلت وكنت خايفة من رد فعله لاقيت اخته بتقولى ماتخفيش هو مش هايزعلك وطمنتنى وقولتلها ده قضاء وقدر وحمدت ربنا ولاقيته رجع البيت وحكيتله لاقيته اتعصب عليا جامد وكنت مستغربة من رد فعله لان ماكنش ليا اى ذنب فى اللى حصل وقالى انتى مهملة وبعد كدة دخلت اوضتى لاقيت في الاوضة طفل لونه ابيض ولون عينيه اخضر وشعره اصفر وكان شكله حلو اوى وكان عنده حوالى 6 شهور وكان بيطلع منه نور وفى الحقيقة بشرتى خمرى وهو اسمر
ولاقيت معاه واحد كان بيلعب مع الطفل وبعد كدة اللى بحبه قالى سيبيه ده عمه قولتله ماحدش يلعب مع ابنى وكنت خايفة عليه اوى وماكنتش عايزة اسيبه
مع العلم انى لسة ماشوفتش اخوه ولا اخته
واسفة انى طولت عليك
وشكرا