السلام عليكم

اللهم اجعله خير انا شفت انى واقفه قدام المرايه و سنانى اللى قدام بيضه اوى وجميله وبعدين كانها فيها تشوه جامد و مش نضيفه خالص و عليها زى جير و تسوس و بعدين لاقيتها اتعدلت و الحاجات اللى عليها بتروح لوحدها و كمان انا بمسح بايدى لاقيت ان الحاجات الوحشه بتنزل وفى الاخر الى فاكراه ان سنانى كانت ناصعه البياضو حلوة ومش زى سنانى فى الحقيقه
وكمان مش شايفه فيها الضروس يعنى السنان بس وتقريبا مكان الدروس فاضى
الحلم دا انا متلغبطه فىالتلرتيب بتاعه بس فى الاخر شفت سنانى زى ما قلت لحضرتك
وكمان انا شفت انى بلبس سلسلتى الذهب الى فى الحقيقه بس انا مش كنت عايزه البس الذهب كنت عايزه البس الاكسسوار فلبست حته من الكتينه ال>هب والباقى ااكسسوار وكان السلسله الاكسسوار على هيئه عنقود عنب كبير ولونه نحاسى محمر او اللون الاوكسيده بالظبط بس كان غالب عليه اللون الاسود
وفى نفس الحلم برده ان كان معايا بنت عمى و انا عايزه اروح الشغل و هى معاها هدومها وانا بقيس فيهم ومش لاقيه حاجه كويسه علشان اروح الشغل واتاخرت على الشغل بس بيتهيا لى ان الحوار دا احاديث نفس لانى اليومين دول فعلا بدور على لبس ومش عاجبنى حاجه و محتاره علشان اروح بيه الشغل