بالله عليكم حد يفسر لى هذا الحلم انا بقالى سنين منتظرة

أنا فتاه عمرى22 سنه والمفروض ان فيه واحد اعرفه من سنين وتقدم
لخطوبتى بس لسه والدى ما اداش كلمه ولا اتفق على اى حاجه
ملحوظه:والدى بيحاول يعوق الأمور على ما اعتقد لأن الموضوع مش عاجبه وانا بينى وبين والدى مشاكل كتير من زمان انا واخواتى

الحلم اللى قلقنى بقا : بأختصار انى شفت خطيبى ده وانا راكبه احد المواصلات وهو فى الشارع لابس جلابيه على بنطلون جينز وماسك فى ايده اليمين عكاز بس هى رجله الحمد لله كانت سليمه ومش مكسورة ولا اى حاجه

وبعدين اتجهت لموقف ميكروباصات بس كان زحمه جدا وماكانش فيه اى مكان اركب
وكنت قابلت بنات معرفه قديمه من ايام المدرسه سلمت عليهم وخلاص

وحاولت اركب ماعرفتش ولاقيت خطيبى تانى

خدته وقلنا هنروح مشى

روحنا عند مطلع جبل المقطم

وهو ماسك العكاز فى ايده اليمين وانا اخدت ذراعه الشمال على كتفى عشان اسنده ونمشى

واحنا طالعين على المطلع لاقينا كل السيارات بترجع بظهرها للخلف استغربنا وكملنا مشى

وبعدين عرفت هما ليه بيرجعوا لأن المطلع مقفول عشان بيرصفوا الطريق

قررنا نرجع احنا كمان واحنا راجعين لاقيت بائعين من
اللى بيفرشوا بضاعتهم على الأرض دول احتلوا الأرض كلها وبقيت احاول انا
وهو نمشى من وسطهم ومش عاوزة ادوس برجلى على بضاعتهم عشان فيها هدوم وفوط
وملايات وحاجات صعبوا عليا ابوظ حاجاتهم

المهم مشينا من طريق تانى بردو يطلع على المقطم واخدناها مشى عشان مافيش
حاجه نركبها بس احنا ماحاولناش ندور على حاجه نركبها اصلا وانا ماكنتش
تعبانه انى سانداه على كتفى بس كنت بقوله حاول تمد بسرعه شويه عشان انا
خايفه لأن حاولينا رجاله او شباب احيانا يعدوا جنبا وانا خايفه حد فيهم
يلمسنى او يضايقنى

و حاولنا نمشى بسرعه شويه بس فى شاب حسيت بيه ورايا روحت انا لفيت فجأة ومسكت ايده

الشاب بصلى بأندهاش كده معنى نظرته ( هو انا عملتلك حاجه santa

) خطيبى نفسه
قاللى ايه اللى انتى بتعمليه ده انتى كده بتلفتى النظر اكتر

قلتله انا اسفه وكملنا طريقنا

فى اخر الطريق لاقيت زى حفله وناس كتيير اوى منهم ناس اصحابى من زمان ايام المدرسه

وهو كمان راح كده وسط الناس يسلم على اللى يعرفهم وانا كمان سلمت على اللى اعرفهم

وقالولى فيه شويه طرابيزات كده على جنب قالولى ده مطعم للستات بس وفى على الجنب التانى مطعم للرجاله بس

ومن غير ما اتكلم قام بعض الشباب اللى فى مطعم الرجاله طلعوا طرابيزة بره وكرسيين عشان انا وخطيبى نقعد فى حته على جنب كده بس المشكله ان المكان اللى قعدنا فيه انا شوفت منه ان جنبنا الحمام واتضايقت من المكان بس قلت مش مهم

وهو قعد ياكل وانا لم أكل اى شيئ وكان حواليه صاحب او اتنين بيضحكوا ويهرجوا معاه وانا قاعده ادامه على الطرابيزة مش عاوزة اكل ولاحاجه بس ببصله وفرحانه

وشويه وجت واحده كده شبه ( داليا البحيرى الممثله )
وقالتلى تعالى عاوزاكى ,, قمت معاها قالتلى انتى مش قاعده معانا ليه
قلتلها اصل خطيبى رجله بتوجعه وماينفعش اسيبه لوحده يمكن يحتاج حاجه

فضلت تقول كلام كده معناه انها عاوزة توقع بينى وبين خطيبى تقولى انتى مش عارفه انه كان بيكلمنى زمان وكلام زى ده

انا ما اتضايقتش ولاحاجه كنت بقول جوه نفسى ايه الهبله دى وقولتلها طيب طيب وخلاص

وبعدين فجأه قالوا ان فيه واحده هتلبس شبكتها دلوقتى والبنت اللى لبست
الشبكه دى شكلها كده شبه الممثلات ولابسه فستان قصير جدا لدرجه انى شوفت
عورتها واتكسفت من المنظر اللى هى عاملاه ده ولبست طقم دهب وانا كنت جنبها قلتلها مبروك يلا فرجينى الشبكه ( على اساس انها فى الحلم كانت واحده صاحبتى ) بس دى واحده فى الواقع انا معرفهاش

المهم لاقيتها مش رابطه الكوليه هى حاطاه على صدرها كده بس وادتهولى وقالتلى اتفرجى انا شوفته وقلتلها ماشاء الله كتيير أصله كان قيم اوى قلت عشان ما تفتكرش انى بحسدها

قالتلى جربى تلبسيه قلتلها لا لا لا لاااا ماينفعش البس شبكتك ازاى

قالتلى اصلى مش عارفه ألبسه قولتلها طب هاتى البسهولك انا وفعلا لبسته ليها وانا بعمل كده ماما واخويا نادوا عليا وقالولى تعالى هيوزعوا التورته

روحتلهم وقلت مش عاوزة .. اول ماقلت كده اخويا قال طب هاتولى قطعتين يعنى نصيبه ونصيبى انا كمان

أتمنى ان اجد التفسير عن من يعرف
جزاكم الله خيرا

فعلا الرؤيا روايه مأسويه ما

بين عجز هذا الرجل عن فعل شيئ اجابي وما بين تحملك وصبرك عليه وحبك المتفاني من اجله ورغم

دالك الرؤيا تحكي كما يحكي صاحب قصة او قلم روائي فانت في حالك من داخل صبر وتحمل لما تأتي

به الايام عليكي غير ان صعود الجبل والناس ترحع للخف دليل انك كلما تقدم بكي امر رجع وتخلف عنك

وكما ان هناك مصاعب في حياتك ويعجبني انك تحملين رجال بمثل هذا الوصف اذ انك قولتي ليس به

وجع وهذا دليل انه من الممكن الارتباط ببعض غير انه عاجز عن فعل شيئ وربما كان ضعف منه ومن

ارادته يلام عليه غير ان للاسف اخر هذا الصود وهذا التحمل له ورغم انك تحاولي ان تصلي لما لم يصل

اليه غيرك iii اذا انك تمشين والناس ترجع الا وانك في النهايه وجدتي فرح والافراح كم تحمل مأساه

وأسف لانه تكون مكان حسد او فرح فالافراح خير لمن كان هو عريس او عروسه لكن دائما لا يستفيد

المعزيم او المهنئين بشئ غير الغيره وانتي علي كل هذا تمسكين بحالك وارادتك الي هذ اللحظه لم

تضعف ولكن للاسف أراكي وجتي نفسك وعرفتي حالك اذ ان العروسه التي رأيتها هي قصتك وكونها

قصيرة الملبس فهو عمرها القصير وكونك في كسوف من عورتها فهذا دليل انك ستتعرضين لكلام جارح

عليكي والسنه تتهمك في حالك وام العقد او الكوليه او الزينه فأنت كما كل البنات تتمني ان تفرح غير

ان القدر لم يشئ بعد وام الجاتوه فرزق حلو المذاق لين العيش غير انك تأبين لراحة البال وتتركين

نصيبك لغيرك واظن انك سيتقدم لكي يوممن هو يكون كهذه القطعه لين الجانب حلو الطبع غير انك

سترفضيه لا ادري لما ولا ادري متي تحياتي اختاه او ابنتي

اسعد الله ايامك وحقق بالخير احلامك
ودمتي بخير
اري ان منتدانا قد زاد نورا بوجودك فلا تحرمينا هذا الوجود

ورحمه الله

بالله عليكم حد يفسر لى هذا الحلم انا بقالى سنين منتظرة 396773

خيرا على التفسير

ولو اننى لم افهم معظم كلامك لأنى مصريه
لكن الواضح ان قصتى مع هذا الانسان ستنتهى نهايه مأساويه وكما فهمت ان الأفراح دليل على الحزن ولا اعرف قصدك بالبنات ذت الملابس القصيرة الفاضحه او الذهب والجواهر التى ارتدتها هذه البنت

وانا مصري اسكندراني بس لو راجعتي الكلام اكثر من مره اكيد هيوصلك المعني انا مش شايفه صعب وبعد كده هنبسط المعني ان شاء الله اسعد الله ايامك وحقق بالخير احلامك ونورتي ربوع المنتدي والي لقاء في رؤي

كما اسعدتينا بتواجدك معنا في قسم التفسير
اسعد الله ايامك
وحقق بالخير احلامك
نتمني ان نراكي في جميع اركان المنتدي

بالله عليكم حد يفسر لى هذا الحلم انا بقالى سنين منتظرة

بالله عليكم حد يفسر لى هذا الحلم انا بقالى سنين منتظرة

رد: بالله عليكم حد يفسر لى هذا الحلم انا بقالى سنين منتظرة

رد: بالله عليكم حد يفسر لى هذا الحلم انا بقالى سنين منتظرة

رد: بالله عليكم حد يفسر لى هذا الحلم انا بقالى سنين منتظرة

رد: بالله عليكم حد يفسر لى هذا الحلم انا بقالى سنين منتظرة