انا اتحققلى رؤيه

الرؤيا بالتفصيل اهى
يا جماعه انا الحمد لله محجبه وبصلى وحاسه انى قريبه من ربنا بس انا حلمت حلم
انا
فى الحقيقه بحب واحد قريبى وهو عارف انى بحبه بس انا مش عارفه هو عاوزنى
ولا لاء خطب مرتين وهو عارف انى عاوزاه ومامته واهله كلهم عاوزين يجوزونا
لبعض
المهم انا حلمت انو هو واخوه التوأم لازم يعملوا عمليه خطيره فى
القلب ولما راحوا يعملوا العمليه دخل الدكتور قوضه العمليات وخرج بعدها
بثوانى قالنا البقاء لله وكانت العيله كلها موجوده المهم مامته معملتش
حاجه قالت بس ربنا يسهل عليهم ليلتهم وبعدها انا دخلت قوضه العمليات عليهم
والمفروض انهم ميتين وانا كانت حالتى صعبه جدا وبصيت لأخوه لقيته راح مفتح
عينه وصحى وقام وبعدها خرجت انا من قوضه العمليات قولتلهم عبد الله صحى
وبقى كويس وكنت فرحانه اوى ورجعت تانى ادخل قوضه العمليات على عبد الرحمن
اللى انا بحبه وابصله واعيط راح هو كمان صحى وقام انا انهرت وبقيت عماله
اعيط من الفرحه وشده المفاجأه وكنت مش قادره اقف على رجلى ومنهاره راح هو
قرب منى وقالى انا كويس بطلى عياط بقى وراح شالنى زى البيبى كده وخرج بيا
قدام كل العيله وانا كنت ماسكه فى رقبته وكنت مش مصدقه خالص كل اللى حصل
فيدونى يا جماعه انا محتاره اوى بس فى ملحوظه العمليه مكنتش فى المستشفى دى كانت فى بيت جدتى ام بابا
ردو عليا بسرعه انا محتجاكم
على فكره انا كنت بصلى استخاره كتير فى الموضوع ده

والتفسير بتاع استاذ قبارى اهو

مبروك اظن انه هيسافر سفر بسيط او رحله او هيخطب خطبه مش هطول لكن هريجع تاني
وهيتقدملك وهيتم الزواج ولو هو خاطب حاليا يبقي هيسبها وهيتقدملك وهيتم
الزواج المهم الرؤيا بتقول انك هتجوزيه لنك مسكتي في رقبته يعني بقيتي
امانه في رقبته يبقي هتكوني احد رعياه اي مراته والله اعلم
الف مبروك واوعي تبخلي عليه بالجاتوه
اما نشوف هه اسعد الله ايمك وحقق بالخير احلامك

تفسير الرؤيا حصل بالفعل
حبيبى اللى شفته فى الرؤيا كان خاطب بالفعل وخطوبته مطولتش زى ما استاذ قبارى قال قعد خاطب اسبوعين بس
وبعدها فسخ الخطوبه
عدى تقريبا شهرين وشويه وفعلا جه اتقدملى وتمت الخطوبه
وخلاص ان شاء الله الجواز فى العيد الصغير
بشكرك استاذ قبارى