تفسير الاحلام..تاني مرة اكتب الحلم ارجو الرد لان الحلم اقلقني كثيرا وازعجني

البيانات:
ملتزمة الحمد لله
24 سنة
اعمل
عزباء
الحلم هو انني قابلت شخص معين الشخص ده في الواقع دايما بيحاول يطول في الكلام معايا ويختلق النقاش الكتير معايا فشد انتباهي وتفكيري له ولكنه كان شكله زي مايكون في اعدادي او كده (هو شاب في الحقيقية) وكان لابس نظارة نظر (في الواقع هو يمتلك نظارة لكن لا يلبسها الا نادرا) وهو كان عمال يكلمني وانا قلتله انت عاوز مني ايه بالظبط انت دايما مشاكس كده
قاللي "انا عاوز جمالك" وبعدين مشيت وهو برضه كان رايح لمكان معين وقاللي معلش اصل اختي عيانة وانا رايحلها دلوقت
للعلم :واقعيا انا لا اقابل هذا الشخص ولا يوجد احتكاك بيننا ولم اتعامل معه الا مرة او مرتين بحكم العمل...وشكرا

-------------------------------------------
حلم اخر (ملحوظة انا متقدمللي عريس في الوقت بتاع الحلم ده)ولسه لم اقرر
الحلم طويل بس انا اللي فاكراه منهاجزاء
الجزء الاول اني بلبس فستان فرح ابيض بس زي مايكون حامل وبطني كبيرة فكنت حاسة انو شكلي مش حلو عشان الحمل وكده
الجزء التاني اني كنت بصلي وساجدة ولقيت واحد زي مايكون بيحط رجله قدامي ويحاول يعاكسني او بمعني اصح بيحاول يلمسني وانا بصلي برجله وهو كان قاعد قدامي علي كرسي المهم جيت انا بعد ما خلصت الصلاة يعني مشيته وحسيت انه شكله غلبان وشكله كان قزم شويه فحسيت انه صعبان عليا قوي وجيت شلته وقلتلله مع السلامة وعاملته كانه ابني وانا مامته بعدها وانا راجعة البيت لقيت زي مايكون نافورة مية انفجرت من الشقة بتاعتنا فجيت قلتلهم في البيت وبلغتهم وقلتلهم يلا نمشي بقي احسن كده العمارة ممكن تقع كلها وقفلنا الباب واخدنا المفتاح وزي مايكون انا بس اللي اخدت باللي ونبهتهم وباقي الجيران قاعدين عادي بس وامشينا

--------------------------------------------------------
وحلم برضه بنفس المضمونمن مدة
اننا في فرح انا واخواتي والفرح فيه سفاح وانا بس اللي لاحظته وعرفت الموضوع ده فقلت لاخويا خاللي بالك فيه سفاح هنا وكنت خايفة علي اخويا الصغير قوي واخواتي

ارجو تفسير الاحلام يا استاذ قباري علي احسن وجه له لانه يحدث كما يفسر وان كان شر ارجو من حضرتك تفسيره باحسن وجه له