تفسير الاحلام..انا قلقانة رجاء تفسير الحلم استاذى الفاضل

ورحمة الله وبركاته
خير اللهم اجعله خير يا رب انا حلمت انى رايحة انا وماما اخلع سنة من اسنانى ومش فاكرة اذا كنت خلعتها ولا لا بس اللى فكراه كويس انى انا وقاعده فجاة لقيت الدرس اللى فوق فى الصف اليمين بيرك وعملته بلسانى لقيته اتخلع منى ووقع على ايدى وقولت لماما بصى ده الدرس اتخلع والدكتورة كمان شافته وقالتلى شاطرة انك خلعتيه بس كونت حاسة انى فيه باقى منه فى فمى ومشينا انا وماما وكانت مع ماما واحده واحنا وماشين كونت ماشية متوهة ومش حاسة بنفسى وتاهو منى وفضلت ماشية لوحدى لغاية ما روحت محل ملابس واتفرجت على اللى فيه وسالت البياع العبايا ديه بكام الراجل فضل يبصلى وما ردش عليا فضلت اتخانق معاه واقوله انى انا مش حرمية انا زبونة عندك والله وفجاة لقيت اختى داخلة علينا وانا قولتله حتى اختى اهيه ديه زبونة عندك فاكرها وبعدين مشينا انا واختى وانا ماشية فضلت اعمل بلسانى مكان الدرس بقى يطلع فتافيت منه وحكيت لاختى وقالتلى تعالى نشترى علاج ليكى من الصيدليه واشترينا علاج ومشينا بعد كده وخلص الحلم
انا عارفة انى بتقل على حضرتك بس انا بجد ببقى مرتاحة لما بحكى لحضرتك احلامى وكمان بتحصل معايا فعلا فياريت تطمنى لانى بجد قلقانة