تفسير الاحلام..رؤيه المتوفى فى المنام

ورحمه الله
انا رايت فى المنام انى فى البلد وبدور على توك توك عشان عاوزة اروح بيتنا اللى فى البلد ولقيت شاب انيق جدا وجميل واقف
فسالته على توك توك فرد وقالى انه صاحب التوك توك اللى واقف على جنب وراح جاب التوك توك وانا جيت اركبه لقيته صغير جدا
مينفعش انى اركبه معرفتش ادخل اصلا لانه صغير قوى فسبته ودخلت البيت المقابل وبعد ما دخلتش مباشرة حصلت امطار غزيرة
غرقت الشارع فحمدت ربنا انى دخلت بسرعه قبل ما تمطر وجيت اخرج تانى فلقيت اخو زوجى المتوفى يرقد على الارض وراء الباب
ومسك عبايتى من طرفها وقالى خليكى هنا متخرجيش فانا وطيت وكلمته وقلتله ازيك انت عامل ايه واحشنا والله فابتسم وقالى انتى عامله ايه
خليكى هنا متخرجيش فانا مسمعتش كلامه وجيت اخرج وفتحت الباب وجيت امد رجلى فى الشارع فلقيت الشارع دة بحر يعنى لو مديت رجلى هقع فى الميه على طول فرجعت وقفلت الباب

ورحمه الله وبركاته

ارجوا التفسير يا استاذنا
ولكم جزيل الشكر