(تفسير حلم) خروج حليب من فتاه غير متزوجه

ورحمة الله وبركاته
احلمت انو انا بدار عمي واني كنت لابسه عبايه سوده وقعدت ع السرير تاع بنت عمي وانا قاعده لقيت بنت عمي جايبه شفاط للحليب وكانت بتشفط الحليب الي بصدرها وانا قاعده ومستغربه والحليب ابييييض وعبت طنجره من الحليب وكانت بتعبي رضاعه بتقلي انو وحده من قرايبنا طالبه منها حليب لبنتها عشان هي جف الحليب الي بصدرها راحت بنت عمي ملت الرضاعه حليب وفجأه لقيتها كبت من الحليب شويه بحكيلها ليش كبيتي من الرضاعه الحليب وخليتي شويه فيها قالت عشان لما ابعت الها الحليب ما تحسدني وبعدين الا بتقلي تعالي معي نروح نودي الحليب الها قلتلها انا تعبانه ومش قادره راحت اعطت اخوها الرضاعه وخلتو يودي للقريبتنا الحليب فجأه لقيتها لابسه هي اسود زيي وقاعده جنبي فجأه لقيت حالي انا وهي بنمشي في شارع كبييييره مافي احد الا انا وبنت عمي الا انا بسألها بقلها كيف انتي بنت ومش متزوجه كيف صار صدرك يطلع منو حليب الا هي صارت تعيط وتقلي كلو من امي وابوي قال امها لما خلفت اخوها ضياء ماكان في صدرها حليب ترضع اخوها صار ابوها وامها يوخذوها ع المستشفي ويدقوها ابر عشان يصير صدرها يطلع حليب وانا صرت اعيط عليها واقلها ليش ماقلتيلي بعدين قعدنا على الرصيف وانا صرت اخبط على رجليه واعيط واقلها ياشماتة الاعداء فيكي ياسمر وهي تعيط وانا بقول بقلبي بس والله مش انا ولا امي الاعداء...وانتهي الحلم 
الحاله الدينيه متدينه والحمد الله
انسه وبنت عمي انسه
بندرس بالجامعه 
وقت الحلم مابعرف
مدته الو شهرين تقريبا
.................
بعد الحلم هذا من مدته شهر بنت عمي هذه دخل فيها جني وقال الجني بقول انو انا وامي عاملين الها سحر وانا اقسم بالله لا انا ولا امي تعون سحر احنا متدينين جدا بس احنا كان في بينا مشاكل مع دار عمي ودار عمي صدقوا الجن وانا مش عارفه ايش اعمل بدي اعرف شو تفسير هالحلم..واحلمت كمان حلم قبل ما اعرف هما متهميني بالسحر بس عشان المنتدي مابنفع حلمين بكرا هبعتو الحلم
الله يخليكم فسروا الي هالحلم بسرعه